HEKTASPECK

İstifadə Qaydası

HEKTASPECK şəffaf, rəngsiz və ya açıq sarı rəngdə, steril inyeksiya məhluludur.

İstifadə Sahəsi / Endikasiya

Linkomisin və spektinomisinə həssas bakteriyaların yaratdığı infeksiyaların müalicəsində istifadə olunur:

• Sığır və qoyunlarda: bakterial və mikoplazmal pnevmoniya, septisemiya, bakterial enterit, yoluxucu agalaktsiya, artrit, piyeten və ayaq infeksiyaları.
• İt və pişiklərdə: pnevmoniya, bronxit, faringit kimi tənəffüs yolu infeksiyaları, sistit, metrit kimi sidik-cinsiyyət sistemi infeksiyaları, qastroenterit, yara və abselər, irinli və pustulyar dəri infeksiyaları.
• Ətlik toyuqlarda: CRD, CRD kompleksi, hava kisəsi iltihabı, quş pasteurellozu, stafilokok infeksiyaları və koriza infeksiyaları.

Tətbiq Qaydası və Dozası

Veterinar tərəfindən başqa göstəriş verilmədiyi halda:

• Qoyun və quzular: 10 kq canlı çəkiyə 1 ml/gün əzələ daxilinə 3 gün ərzində.
• Buzov, dana və sığır: 50 kq canlı çəkiyə 5 ml, əzələ daxilinə ilk gün gündə 2 dəfə, klinik cavaba uyğun olaraq növbəti 2-4 gün ərzində gündə 1 dəfə.
• İt və pişiklər: 1 kq canlı çəkiyə 0,2 ml, əzələ daxilinə gündə 2 dəfə, müalicə 3-7 gün davam edə bilər.
• Ətlik toyuqlar: 2,5 kq canlı çəkiyə 0,5 ml, dəri altına 3 gün ərzində.

Sığırlarda bir inyeksiya nöqtəsinə 25-30 ml-dən çox məhsul vurulmamalıdır.